شكۆی مرۆڤ له‌ژێر هه‌ڕه‌شه‌دا

شكۆی مرۆڤ له‌ژێر هه‌ڕه‌شه‌دا

له‌ئێستادا له‌ عێراق ملیۆنان منداڵ و پێگه‌یشتوو له‌ژێر مه‌ترسییه‌كانی تیرۆر و زوڵم و سته‌می به‌ناو ده‌وڵه‌تی ئیسلامیدا ژیان ده‌گوزه‌رێنن، كه‌ له‌ئێستادا بێبه‌زه‌ییترین و ڕێكخراوی تیرۆریستییه‌ له‌ دونیادا.

ئه‌وانه‌ی دژی ئایدۆلۆژییه‌ نامرۆڤانه‌كانی ڕێكخراوه‌كه‌ ده‌وه‌سته‌وه‌ ڕووبه‌ڕووی ئه‌شكه‌نجه‌، بڕینی ده‌ست و قاچیان، یان كوشتن به‌به‌رچاوی خه‌ڵكه‌وه‌ ده‌بنه‌وه‌. ژنان و كچان ده‌ڕفێندرێن و ده‌ستدرێژییان ده‌كرێته‌سه‌ر، منداڵان ده‌كرێنه‌ كۆیله‌ و زۆریان لێ ده‌كرێت به‌شداری له‌ هێرشه‌ تیرۆریستییه‌كاندا بكه‌ن.

له‌ئێستادا عێراق به‌قۆناغێكی ترسناكدا تێده‌په‌ڕێت كه‌ قۆناغی خاپووربوونی كه‌له‌پووره‌ كلتووری و ئاینیه‌كه‌یه‌تی، بۆ نموونه‌ ئه‌ندامانی كه‌مینه‌ ئاینیه‌كان هه‌ڕه‌شه‌ی كوشتنیان لێ ده‌كرێت، زیاتر له‌ ٢٥٠٠٠ هاووڵاتیی مه‌سیحی، یه‌زیدی، شه‌به‌ك و سه‌ر به‌ بیری ئاینیی تر ناچار كراون ماڵه‌كانیان به‌جێ بهێڵن، شوێنه‌ پیرۆزه‌كانیش، وه‌ك مزگه‌وته‌كان و په‌رستگا دێرینه‌كان، كه‌ مێژووه‌كه‌یان ده‌گه‌ڕێته‌وه‌ بۆ سه‌ده‌ی ٨ی پێش زاین، ده‌مێكه‌ زۆربه‌یان خاپوور بوون و ئه‌وانی تریش له‌ژێر هه‌ڕه‌شه‌ی خاپووربووندان.

ده‌زگای ژیان بۆ مافه‌كانی مرۆڤ پاپه‌ندیی خۆی به‌ پاراستنی شكۆی مرۆڤه‌كان و مافه‌كانی مرۆڤ و ئازادییه‌ بنه‌ڕه‌تییه‌كانی هاووڵاتییانی هه‌موو عێراق دووپات ده‌كاته‌وه‌. ده‌زگاكه‌مان داوا له‌ كۆمه‌ڵگه‌ی نێوده‌وڵه‌تی ده‌كات هاوكاری قوربانییانی تیرۆر له‌ عێراقدا بكات، یارمه‌تی ئه‌و قوربانییانه‌ش بدات كه‌ له‌ كاره‌ساته‌ قورسه‌ جیاجیاكان ڕزگاریان بووه‌، هه‌روه‌ها لایه‌نه‌ ناوخۆییه‌كانیش به‌هێز بكات بۆ ئه‌وه‌ی بتوانن ڕووبه‌ڕووی هێرش و كوشتاره‌كانی هێزه‌كانی ده‌وڵه‌تی ئیسلامی ببنه‌وه‌.
هاوكاریكردنی ڕزگاربووان

ده‌زگای ژیان یارمه‌تی كه‌سانی ئاواره‌ و ئه‌و خێزانانه‌ش ده‌دات كه‌ تووشی ڕووداو و ئازاری قورسی ده‌روونی بوونه‌ته‌وه‌ له‌ عێراقدا، ئه‌ویش له‌ڕێگه‌ی هاوكاریی پزیشكی، هاوكاریی ده‌روونی و پارێزگاریلێكردنه‌وه‌. به‌خشینه‌كانی تۆ جیاوازییه‌كی گه‌وره‌ دروست ده‌كه‌ن. بۆ ده‌ستكه‌وتنی زانیاریی زیاتر له‌سه‌ر ڕێگاكانی یارمه‌تیدانی ئێمه‌، گرته‌ لێره‌ بكه‌.

زانیاریی زیاتر

لێره‌ زیاتر له‌سه‌ر ئه‌و پڕۆگرامه‌ی ده‌زگاكه‌مان بخوێنه‌ره‌وه‌ كه‌ بۆ یارمه‌تیدانی ئاواره‌كان ئاماده‌مان كردووه‌. بۆ ده‌ستكه‌وتنی زانیاری زیاتر له‌سه‌ر كاری ئێمه‌، تكایه‌ ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی.