هونەر و دەزگای ژیان

هونەر و دەزگای ژیان

ئێمە وەک دەزگای ژیان، بڕوامان وایە کە هونەر ڕوویەکی زۆر گرنگی ژیانە. لە ڕێی هونەرەوە، دەتوانین چیرۆکەکانی خۆمان بگەیەنینە خەڵکی تر، درک بە هەستە قووڵەکانی خۆمان بکەین و ئەو هەستانەش دەرببڕین کە ناتوانین لەڕێی وشەوە دەریان ببڕین. بەهەمان شێوەی پرۆسەی چارەسەرکردن، پرۆسەی هونەریش، ڕێگەیەکە بۆ دەربڕینی خود و ناسینی خود. پێکەوە بەستنەوەی هونەر و چارەسەر دەتوانێت ڕێ بۆ ئەو کەسانە خۆش بکات کە زەبری دەروونییان بەرکەوتووە تا ئەزموونە قورس و تاڵەکانی خۆیان دەرببڕن و ڕێشیان بۆ خۆش دەکات دڵیان بە ئایندەیان خۆش بێت. هەر بۆیە دەزگای ژیان زۆر بەگرنگییەوە کار دەکات بۆ بەرەوپێشبردنی هونەر و چالاکییە هونەرییەکان لە هەموو بوارەکانی کاری خۆیدا.

درێژە ...

یەکەمین کلینیکی زەبری دەروونی بۆ ژنانی ئێزیدی لە عێراق

نۆرینگەی زەبری دەروونی بۆ ژنانی ئێزیدی

ماوەی چەندین مانگە هەواڵی ژنانی ئێزیدی سەردێڕی میدیا جیهانییەکانی داگیر کردووە. ئەو نەهامەتییانەی بەسەر ئەو ژنانەدا هاتوون و تا ماوەیەکی زۆر ئازاریان بەدەستەوە دەچێژن سەیروسەمەرە و گەورەن. ژنان و کچانی یەزیدی دەستبەسەر کراون، کراونەتە کۆیلە و بەشێوەیەکی بەرنامەبۆداڕێژراو لەلایەن شەڕکەرانی دەوڵەتی ئیسلامییەوە دەستدرێژییان کراوەتە سەر. ئازار و مەینەتییەکانیان بوونەتە جێی باسی کۆمەڵ بەشێوەیەک ئێستا هەندێک لەو قوربانییانە دەبرێنە ئەوروپا بۆ وەرگرتنی چارەسەر.

درێژە ...

باخچەیەکی چارەسەرکردن لە چەمچەماڵ

باخچەیەکی چارەسەرکردن بۆ چەمچەماڵ

دەزگای ژیان باخچەیەکی چارەسەرکردن بۆ ژنان و منداڵان لە چەمچەماڵ دادەمەزرێنێت. باخچەکە- کە یەکەمین جارە لەو شوێنەدا دروست دەکرێت- کەشێکی سەلامەت بۆ ئەو ژن و منداڵ و لاوانە دەڕەخسێنێت کە ڕووبەڕووی توندوتیژیی خێزانی، مامەڵەی خراپ یان پێشێلکاریی تری مافەکانی مرۆڤ بوونەتەوە. پێکەوە، دەتوانین گۆڕانکاری دروست بکەین.

درێژە ...

دابەشکردنی ئامێری فێنک‌کەرەوە بەسەر ئاوارەکاندا

دابەشکردنی ئامێری فێنک‌کەرەوە بەسەر ئاوارەکاندا

دهۆک ٢٦ی ئایار ٢٠١٥: بەهۆی بەرز بوونەوە پلەی گەرمای ناوچەکە بۆ زیاتر ٤٠ پلەی سەدی، لە درێژەی کار و چالاکیەکانیدا، دەزگای ژیان ئامێری فێنک‌کەرەوە (موبەریدە)ی بەسەر ٣١٢٠ خێزانی ئاوارەی نیشتەجێی کەمپی خانکێ ‌دا دابەش‌کرد. کە خەڵکی کەمپەکە دڵخۆشی خۆیان دەربڕی بە وەرگرتنی ئامێرەکان، بەتایبەتی ئەو کەسانەی باری تەندروستییان تێکچوبوو بەهۆی بەرز بوونەوەی پلەی گەرماوە.

درێژە ...

١٠ ساڵ كاركردن له‌ چاره‌سه‌ركردنی حاڵه‌تی زه‌بره‌ ده‌روونییه‌كاندا له‌ عێراق

١٠ ساڵ كاركردن له‌ چاره‌سه‌ركردنی حاڵه‌تی زه‌بره‌ ده‌روونییه‌كاندا له‌ عێراق

له‌ ٢٥ ی مایسدا و له‌ سه‌نته‌ری ڕۆشنبیری و كۆمه‌ڵایه‌تیی زانكۆی سه‌لاحه‌دین له‌ شاری هه‌ولێر، ده‌زگای ژیان یادی تێپه‌ڕینی ١٠ ساڵ كاركردنی له‌ بواری چاره‌سه‌ركردنی حاڵه‌ته‌كانی زه‌بری ده‌روونی و كاركردن له‌ بواره‌كانی مافی مرۆڤدا له‌ عێراق كرده‌وه‌.

سه‌ره‌تا سه‌ڵاح ئه‌حمه‌د، به‌ڕێوه‌به‌ری ده‌زگای ژیان، پێشوازی له‌ ٢٠٠ كه‌س له‌ میوانان و كارمه‌ندانی ده‌زگاكه‌ كرد و دواتریش فیلمێكی دۆكۆمێنته‌ری ده‌رباره‌ی كاره‌كانی ده‌زگاكه‌ نمایش كرا.

درێژە ...

یەکەمین چارەسەرکارانی زەبری دەروونی لە عێراق بڕوانامەیان بەدەست هێنا

یەکەمین چارەسەرکارانی زەبری دەروونی لە عێراق بڕوانامەیان بەدەست هێنا

لە ١٧ ی نیسانی ٢٠١٥دا، دەزگای ژیان و دەزگای وینگز ئەڤ هۆپ ی ئەڵمانی، یەکەم ڕاهێنانی سێ ساڵەییان بە ٢٠ چارەسەرکاری زەبری دەروونی لە عێراق تەواو کرد. ئەم چارەسەرکارانە یەکەم کەسن لەم بووارەدا لە هەرێمێکدا کە توندونیژیی دەمارگیرانە و گەورەترین قەیرانی پەنابەران لە جەنگی جیهانی دووەمەوە تەنگی پێ هەڵچنیوە..

درێژە ...

برینەکان ساڕێژ نەبوون

برینەکان ساڕێژ نەبوون

لە ١٦ی ئازاری ٢٠١٥، تیمەکەمان لە هەڵەبجەی شەهید یادی ٢٧ ساڵەی کیمیابارانی هەڵەبجەی بەرز ڕاگرت.

بۆ گرنگیدان بە کاریگەرییە درێژخایەنەکانی ئەو کارەساتە، بنکەکەمان لە هەڵەبجە بەفەرمی بەشێکی بۆ منداڵان کردەوە و بانگێشتی منداڵەکانی ئەو ڕزگاربووانە کران کە لە بنکەکەی ئێمە چارەسەر دەکران.

درێژە ...

سەڵاح ئەحمەد بڕوانامەی پێزانین و ڕێزلێنانی پێ دەبەخشرێت

Bundesverdienstkreuz

لە ٢٦ ی شوباتی ٢٠١٥دا، سەڵاح ئەحمەد، دامەزرێنەر و بەڕێوەبەری دەزگای ژیان بۆ مافەکانی مرۆڤ، بڕوانامەیڕێزلێنان و پێزانینی لەلایەن د. گێرد مۆلەر، وەزیری هەماهەنگی ئابووری و گەشەپێدانی وڵاتی ئەڵمانیاوە پێ بەخشرا بۆ ئەو کارە مرۆییە زۆرانەی لە ئەڵمانیا و عێراقدا بە ئەنجامی گەیاندوون.

درێژە ...

هاوكاریی مرۆیی بۆ ئاواره‌كانی سه‌ر چیای شه‌نگال

هاوكاریی مرۆیی

ده‌زگای ژیان یارمه‌تییه‌ مرۆییه‌كانی بۆ ئاواره‌ یه‌زیدییه‌كان فراوان ده‌كات؛ ١،١ تۆن یارمه‌تی له‌ پێداویستییه‌ گرنگه‌كان له‌ڕێگه‌ی هه‌لیكۆپته‌ر و ئۆتۆمبێله‌وه‌ گه‌یشته‌ ده‌ستی ژن و پیاو و منداڵانی گیرخواردووی سه‌ر چیای شه‌نگال.

ناردنی هاوكارییه‌كان له‌ ١٧/١٢/٢٠١٥ ه‌وه‌ ده‌ستی پێ كرد و به‌شێكه‌ له‌ كاری ئێمه‌ بۆ یارمه‌تیدانی ئه‌و ئاواره‌ عێراقییانه‌ی هێرشی تیرۆریستییان كراوه‌ته‌ سه‌ر.

درێژە ...